काठमाडौं, ८ पुस । ४६ प्रतिशत लाभांश घोषणा गरेको मञ्जुश्री फाइनान्सले बुक क्लोज मिति तय गरेको छ ।
कम्पनीले लाभांश प्रस्ताव पारित गर्न पुस २९ गते वार्षिक साधारण सभा निर्णय गरेसँगै पुस १५ गते बुक क्लोज मिति तोकेको हो ।
साधारण सभा प्रयोजनका लागि १५ गते बुक क्लोज मिति तोकेसँगै पुस १४ गतेसम्म कायम रहने सेयरधनीले मात्र प्रस्तावित लाभांश पाउन र साधारण सभामा भाग लिन सक्नेछन् ।
साधारण सभामा आर्थिक वर्ष २०७७/ ७८ को नाफाबाट ४० प्रतिशत बोनस शेयर र कर प्रयोजनसहित ६ प्रतिशत नगद लाभांश वितरण गर्ने प्रस्ताव पेश हुनेछ ।
कम्पनीले ३८ करोड ६१ लाख ५७ हजार ९५६ रुपैयाँ बोनस बराबरको सेयर र ५ करोड ७९ लाख २३ हजार रुपैयाँ नगद लाभांश दिन लागेको हो ।
फाइनान्सले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि शेयर धनीहरुले पाउनेछन्।
हाल ९६ करोड ५३ लाख ९४ हजार ८९२ रुपैयाँ चुक्ता पूँजी रहेको फाइनान्सको बोनस वितरणपछि चुक्ता पूँजी १ अर्ब ३५ १५ लाख ५२ हजार ८४९ रुपैयाँ पुग्नेछ ।
