काठमाडौं, १६ पुस । नेपालको आन्तरिक वायुसेवा कम्पनी गुण एयरलाइन्सले पुस १८ देखि काठमाडौबाट सुर्खेतको लागि नियमित हवाई उडान शुरु गर्ने भएको छ ।
गुण एयरलाइन्सका प्रवक्ता एवम बजार प्रमुख प्रज्वल थापाका अनुसार आन्तरिक पर्यटनलाई टेवा पुर्याउने उद्देश्यका साथ उडान शुरु गर्न लागेको हो ।
गुणले दुइवटा अमेरिकी बिचक्राफ्ट र थप गरिएको बेलायती पाँच वटा जेट्स्ट्रीम सहित कुल सात वटा विमान बाट उडान सेवा सञ्चालन गरिरहेको छ ।
यस अघि भरतपुर, पोखरा , तुम्लिङटार भैरहवा नेपालगन्ज विराटनगर सिमरा र जनकपुरमा भने नियमित उडान शुरु गरिसकेको छ।
थापाका अनुसार यात्रुहरु लाई सुरक्षित र भरपर्दो हवाइ सेवा सुबिधा दिन कुनै कसर बाकी नराख्ने र गुणस्तरिय हवाइ सेवा दिन त्यसै अनुसार उडानहरु थप गर्दै आन्तरिक हवाइ बजारमा प्रतिस्पर्धामा आफुहरु पनि गइरहेको र त्यसै अनुरुपको उच्च स्तरको सेवा दिदै उडान गरिरहेको बताए ।
उडानको शुरूवात देखिनै गन्तव्य हरुमा यात्रुहरुबाट राम्रो साथ पाएको र यसवाट गुण एयरलाइन्सलाई थप हौसला प्राप्त भएको उनको भनाइ छ ।
गुण एयरलाइन्सको पोखरा-भरतपुर नियमित उडान शुरु
सिमरामा थपियो अब गुण एयरलाइन्सको सेवा
