काठमाडौं, २३ पुस । राष्ट्रिय परीक्षा बोर्डले कक्षा ११ को ग्रेड वृद्धि तथा आंशिकतर्फ परीक्षाफल प्रकाशित गरेको छ। शुक्रबार सूचना जारी गर्दै नतिजा सार्वजनिक भएको जनाएको हो ।
नतिजा राष्ट्रिय परीक्षा बोर्ड र नेपाल टेलिकमको वेबसाइट हेर्न सकिने राष्ट्रिय परीक्षा बोर्डले बताएको छ ।
असोज ११ देखि १८ गतेसम्म कक्षा ११ को ग्रेड वृद्धि तथा आंशिक परीक्षा सञ्चालन भएको थियो।
परीक्षामा २४ हजार ७२४ जना विद्यार्थी सहभागी थिए। जसमा ग्रेड वृद्धितर्फ २१ हजार ८१६ र आंशिकतर्फ दुई हजार ९०८ जना विद्यार्थी रहेको बोर्डले जनाएको छ।
बोर्डका अनुसार ७९.०६ प्रतिशत विद्यार्थी उत्तीर्ण भएका छन्। यस्तै कक्षा १२ को ग्रेड वृद्धि माघ २ र ३ गते गरिने बोर्डले जनाएको छ।
