कोरोना संक्रमण बढ्यो, एकैदिन थपिए ९६८ जना संक्रमित

काठमाडौं, २३ पुस । नेपालमा कोरोना संक्रमितकोदर दिन प्रतिदिन बढिरहेको छ ।

पछिल्लो २४ घण्टामा देशभर ९६८ जनामा कोरोना संक्रमण पुष्टी भएको छ । सोमबार ३२६ जना र मंगलबार ३९३, बुधबार ४३५ र बिहीवार ५४० संक्रमित थपिएका थिए ।

स्वास्थ्य तथा जनसंख्या मन्त्रालयका अनुसार ८ हजार २७२ जनाको पीसीआर परीक्षण गर्दा ५७२ जना र ६ हजार ६९९ जनाको एन्टिजेन परीक्षण गर्दा ३९६ गरी ९६८ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख ३१ हजार ५२ जना पुगेको छ ।

पछिल्लो २४ घण्टामा २६२जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख १३ हजार ७०९ पुगेको छ । संक्रिय संक्रमितको संख्या ५ हजार ७४१ रहेको छ ।

पछिल्लो २४ घण्टामा मृत्यु हुनेको संख्या शून्य रहेको छ । नेपालमा कोरोना मृत्यु हुनेको संख्या ११ हजार ६०२ पुगेको छ ।

LEAVE A REPLY

Please enter your comment!
Please enter your name here