काठमाडौं, ३ माघ । नेपाल आयल निगमको घाटा ६ महिनामा १९ अर्ब २६ करोड पुगेको छ ।
सोमबार एक विज्ञप्तिमार्फत निगमले चालू आर्थिक वर्षको पुस मसान्तसम्ममा अनुमानित घाटा १९ अर्ब २६ करोड पुगेको जनाएको हो ।
१९ अर्ब २६ करोड आगामी १५ दिनमा निगमले थप दुई अर्ब २४ करोड घाटा हुने माघ १७ गतेसम्म २१ अर्ब ५० करोड घाटा बेहोर्नुपर्ने बताएको हो ।
निगमले अहिले पेट्रोलमा प्रति लिटर १३.१८ रुपैयाँ, डिजेलमा प्रति लिटर ८.८१ रुपैयाँ घाटा खाएर बेचिरहेको र मट्टीतेलबाट प्रति लिटर २०.५० रुपैयाँ नाफा भइरहेको जनाएको छ ।
यसैगरी हवाई इन्धनबाट पनि प्रति लिटर १४.७३ औसत नाफा नाफा भइरहेको छ ।
खाना पकाउन प्रयोग हुने एलपी ग्यासमा भने प्रति सिलिन्डर ६४६.१६ रुपैयाँ घाटा भइरहेको निगमले जनाएको छ ।
सञ्चिति बचत शून्यमा पुगेको जनाएको छ । इण्डियन आयललाई जनवरी २२ सम्म गर्नुपर्ने भुक्तानीको लागि २ अर्ब अपुग हुने निगमले जनाएको छ ।
निगमले इन्डियन कर्पोरेसनबाट आइतबार प्राप्त नयाँ मूल्यअनुसार निगमले मूल्य समायोजन नगरेमा अबको ३ महिनामै १२ अर्ब ऋण लिनुपर्ने विज्ञप्तिमा जनाएको छ ।
