काठमाडौं। नेशनल हाइड्रोपावर कम्पनीले अघिल्लो आर्थिक वर्ष २०७७\७८ को नाफाबाट लाभांश दिने घोषणा गरेको छ। कम्पनीले गत वर्षसम्मको मुनाफाबाट सेयरधनीलाई १८.५२५ प्रतिशत बोनस सेयर र कर प्रयोजनका लागि ०.९७५ प्रतिशत नगद गरी कुल १९.५ प्रतिशत लाभांश दिने घोषणा गरेको हो ।
कम्पनीले लाभांश घोषणा भने पहिलो पटक गरेको हो । उक्त लाभांश पारित गर्न कम्पनीले फागुन ३० गते २५ औं वार्षिक साधारणसभा बोलाएको छ । सभा भर्चुअल माध्यमबाट विनायकनगर, नयाँ बानेश्वर, काठमाडौँमा बिहान ११ बजेदेखि सुरू हुनेछ ।
कम्पनीले बोनस सेयर वितरणपछि कायम हुने चुक्ता पूँजीको ५० प्रतिशत हकप्रद सेयर निष्कासन गर्ने प्रस्ताव पनि सभामा लैजाने भएको छ । कम्पनीले साधारण सभा प्रयोजनका लागि फागुन १३ गते बुकक्लोज मिति तोकेको छ । तसर्थ, फागुन १२ गतेसम्म नेप्सेमा कारोबार भइ कायम हुने सेयरधनीले मात्र लाभांश पाउने समेत बताइएको छ ।
