काठमाडौं, २५ फागुन । नेपालमा पछिल्लो २४ घण्टामा २२४ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ६ हजार ९३६ जनाको पीसीआर परीक्षण गर्दा ६८ जना र ३ हजार १५६ जनाको एन्टिजेन परीक्षण गर्दा १५६ गरी २२४ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ७७ हजार ७०९ जना पुगेको छ ।
पछिल्लो २४ घण्टामा २५१ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ६० हजार ६८ पुगेको छ । संक्रिय संक्रमितको संख्या ५ हजार ८७५ रहेको छ ।
पछिल्लो २४ घण्टामा मृत्यु हुनेको संख्या ० रहेको छ । नेपालमा कोरोना मृत्यु हुनेको संख्या ११ हजार ९४९ पुगेको छ ।
