काठमाडौं, २ चैत । हाल बङ्गलादेश तथा आसपासका क्षेत्रको निम्न चापीय प्रणालीले नेपालमा पहाडी भूभागमा आंशिक बदली भएको छ ।
मौसम पूर्वानुमान महाशाखाका अनुसार दिउँसो प्रदेश १, बागमती, गण्डकी र लुम्बिनी प्रदेशका पहाडी भूभागमा आंशिक बदली रहनेछ ।
प्रदेश १, बागमती प्रदेश, गण्डकी प्रदेशका तथा लुम्बिनी प्रदेशका पहाडी भू-भागका एक वा दुई स्थानमा अपराह्नतिर मेघ गर्जन, चट्याङसहित हल्का वर्षाको सम्भावना पनि रहेको महाशाखाले जनाएको छ ।
राति देशका पहाडी भू-भागमा आंशिक बदली र अन्य भू-भागमा मौसम सामान्यतया सफा रहनेछ ।
बिहीबार देशभर मौसम सामान्यतया सफा रहने छ ।
चैत २ गते (बुधबार)
दिउँसो : प्रदेश १, बागमती प्रदेश, गण्डकी प्रदेश र लुम्बिनी प्रदेशका पहाडी भू-भागमा आंशिक बदली र अन्य भू-भागमा मौसम सामान्यतया सफा रहने छ।
प्रदेश १, बागमती प्रदेश, गण्डकी प्रदेशका तथा लुम्बिनी प्रदेशका पहाडी भू-भागका एक वा दुई स्थानमा अपरान्हतिर मेघ गर्जन \ चटयाङ्ग सहित हल्का वर्षाको सम्भावना रहेको छ ।
राती : देशका पहाडी भू-भागमा आंशिक बदली र अन्य भू-भागमा मौसम सामान्यतया सफा रहने छ।
चैत ३ गते (बिहीबार)
दिउँसो : देशभर मौसम सामान्यतया सफा रहने छ।
राती : देशभर मौसम सामान्यतया सफा रहने छ।
चैत ४ गते (शुक्रबार)
दिउँसो : देशका पहाडी भू-भागमा आंशिक बदली र अन्य भू-भागमा मौसम सामान्यतया सफा रहने छ।
राती : देशभर आंशिक बदली देखि मौसम सामान्यतया सफा रहने छ।
