काठमाडौं, ९ चैत । देशभरका यातायात व्यवस्था विभाग कार्यालयको सर्भरहरूमा विद्युतीय समस्या देखिएको छ ।
सर्भरमा समस्या देखिएपछि विभागले देशभरका यातायात कार्यालयहरुबाट दिने सबै सेवा अनिश्चतकालका लागि बन्द गर्ने निर्णय गरेको थियो ।
विभागले दोस्रोपटक सूचना जारी गरेर अनिश्चितकालका लागि बन्द भनिएको सेवा भोलिसम्मका लागि मात्रै बन्द हुने जनाएको छ ।
विद्युत् आपूर्ति प्रणाली यूपीएस परिवर्तन गर्नुपर्ने भएकाले बिहीबार बिहान ६ बजेसम्मका लागि मात्रै सेवा बन्द हुने विभागले जनाएको छ ।
यो निर्णयसँगै अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुनेछ ।
यसअघि विभागले सर्भरमा विद्युतीय समस्या देखिएको भन्दै आज साँझ ५ बजेदेखि अनिश्चितकालका लागि सबै सेवा बन्द गरिएको सूचना निकालेको थियो ।
