काठमाडौं, २० चैत । एक्सेल डेभलपमेन्ट बैंक लिमिटेडले आर्थिक बर्ष २०७७/७८ को मुनाफाबाट वितरण गरेको बोनस शेयर लगानीकर्ताको हितग्राही खाता पठाएको छ ।
गत आर्थिक वर्ष २०७७/७८ को मुनाफाबाट घोषणा गरेको १२ प्रतिशत बोनस शेयर लाभांश खातामा पठाएको हो ।
शेयर अभौतिकिकरण नगराएकाहरुलाई शेयर डिम्याट गराउन कम्पनीले आग्रह गरेको छ ।
शेयर रजिष्ट्रार एनलाईबिएलएस क्यापिटलमा गई शेयर अभौतिकिकरण गराउन कम्पनीले आग्रह गरेको छ ।
शेयर धितो राखी कर्जा लिएको भए शेयर रोक्का नै हुने गरि बोनस शेयर जम्मा गरिएको र कर्जा तिरिसकेको भए बैंक वित्तीय संस्थामा सम्पर्क गरि रोक्का फुकुवा गराउन कम्पनीले आग्रह गरेको छ ।
शेयरधनीको हितग्राही खातामा शेयर जम्मा गरिने भएकाले शेयर अभौतिकीकरण गराउन अनुरोध गरेको छ । धिताे राखेकाे सेयरकाे हकमा भने सम्बन्धित बैंक तथा वित्तीय संस्थाबाट No Objection Letter प्राप्त भएपछि मात्र बाेनस पठाइनेछ ।
बैंककाे शेयर रजिष्ट्रार एनआईबिएल एस क्यापिटल लिमिटेड रहेको छ ।
