काठमाडौं । उपकार लघुवित्तको आइपीओमा आवेदनको ओइरो लागेको छ ।
सीडीएसका अनुसार मंगलबार चैत २९ गते साँझ ५ः०५ बजेसम्ममा २ अर्ब ५४ करोड ९ लाख ४४ हजार रुपैयाँ बराबरको आवेदन परेको छ ।
२२ लाख ३८ हजार ७५७ जना लगानीकर्ताले २ करोड ५४ लाख ९ हजार ४४० कित्ता लागि आवेदन दिएका छन् ।
कम्पनीले चैत २५ गतेबाट कुल २ लाख ३६ हजार २५० कित्ता आइपीओ बिक्रीमा ल्याएको हो ।
आईतवार सरकारले रामनवमीको विदा दिएकाले आवेदन दिने समय थप गरिएको कम्पनीले जनाएको छ ।
निष्काशित कुल सेयरमध्ये ३ हजार २८१ कित्ता (०.५ प्रतिशत) लघुवित्तका कर्मचारी र ११ हजार ८१३ कित्ता (५ प्रतिशत) सामूहिक लगानी कोषहरुका लागि छुट्याइएको छ । बाँकी २ लाख २१ हजार १५६ कित्ताका लागि र्सवसाधरणले आवेदन दिन पाउने छन् ।
लघुवित्तको आइपीओमा चैत ३० गतेसम्म आवेदन दिन पाइने छ । सो अवधिमा सबै आइपीओ विक्री नभएमा ढिलोमा २०७९ वैशाख ९ गतेन पाउने छन् ।
लगानीकर्ताले न्यूनतम १० कित्तादेखि अधिकतम १ हजार कित्ताका लागि आवेदन दिन सक्नेछन्। लघुवित्तको आइपीओमा नेपाल धितोपत्र बोर्डबाट अनुमति प्राप्त सम्पूर्ण सी–आस्वा सदस्य बैंक तथा वित्तीय संस्था, तिनका शाखा कार्यालयका साथै मेरो सेयरको वेबसाइट र एपबाट आवेदन दिन सक्नेछन् ।
लघुवित्तको सेयर निष्काशन तथा विक्री प्रबन्धक नेपाल एसबीआई बैंकिङ्ग लिमिटेड रहेको छ। लघुवित्तको आइपीओलाई रेटिङ्ग एजेन्सी इक्रा नेपालले ‘इक्रा एनपी इस्युअर रेटिङ्ग डबल बी माइनस’ रेटिङ्ग दिएको छ । यसले लघुवित्तको दायित्व बहन गर्ने क्षमतामा मध्यम जोखिम रहेको संकेत गर्दछ।
