काठमाडौं, २६ बैशाख । सोमबार सुनचाँदी बजारमा सुनको मूल्य सामान्य बढेको छ । अघिल्लो दिनका तुलनामा आज छापावाल सुन प्रतितोला रु १०० ले बढेर रु ९८ हजार ७०० पुगेको नेपाल सुनचाँदी व्यवसायी महासंघले जानकारी दिएको छ ।
आइतबार स्थानीय बजारमा छापावाल सुन प्रतितोला रु ९८ हजार ६०० मा कारोबार भएको थियो ।
आज तेजाबी सुनको मूल्य प्रतितोला रु ९८ हजार २०० छ । यसको मूल्य आइतबार प्रतितोला रु ९८ हजार १०० थियो ।
त्यस्तै सोमबार चाँदीको मूल्य अघिल्लो कारोबार मूल्यको तुलनामा स्थिर रही प्रतितोला रु एक हजार २८५ कायम रहेको महासंघले जानकारी दिएको छ ।
