काठमाडौं, २९ असार । सनराइज बैंकको प्रमुख कार्यकारी अधिकृत (सीईओ)मा जनकराज शर्मा पौड्याल नियुक्त भएका छन् ।
सनराइज बैंकको सञ्चालक समितिको बैठकले आइतबार पौड्याललाई सीईओमा नियुक्त गरेको हो ।
पौड्याल यसअघि ग्लोबल आइएमई बैंकको सीईओ थिए ।
यसअघि सनराइज बैंकको सञ्चालक समितिको बैठकले निरज श्रेष्ठलाई सीईओ नियुक्त गरे पनि सञ्चालकहरुको कुरा नमिल्दा श्रेष्ठले कार्यभार सम्हालेका थिएनन् ।
सञ्चालक समितिले उनलाई आगामी ४ बर्षका लागि सीईओमा नियुक्त गरेको छ ।
