काठमाडौं, ४ जेठ । शेयर बजारमा झिनो अंकको सुधार आएको छ । साताको कारोबारको दोस्रो दिन शेयर बजार मापक सूचक नेप्से ८.९० अंकले बढेर २२७४.४२ विन्दुमा पुगेको हो ।
नेपाल स्टक एक्सचेन्जका अनुसार बुधवार २२७ कम्पनीको १ अर्ब ३२ करोड ६३ लाख २० हजार ३४६ रुपैयाँ बराबरको ३१ लाख ५६ हजार ९१३ कित्ता शेयर किनबेच भएका छन् ।
आज कारोबारमा आएका १३ समूहमध्ये ५ परिसूचक राताम्मे भएको छ । भने ८ वटाको बढेको छ ।
अघिल्लो दिनको तुलनामा कारोबार रकम घटेको छ । मंगलवार १ अर्ब ६४ करोड ४० लाख ९६ हजार १९२ रुपैयाँ बराबरको बराबरको कारोबार भएको थियो ।
यसमध्ये पनि एक कम्पनीको शेयरमूल्यमा सामान्य वृद्धि भएको छ । आज राद्यी विद्युत कम्पनीको शेयरमूल्य ६.२ प्रतिशतले बढेर प्रतिकित्ता ६५२ रुपैयाँ पुगेको छ ।
त्यसैगरी, सिनर्जी पावर, वरुण हाइड्रोपावर, इमर्जिङ नेपाल, नेशनल हाइड्रोपावर, सामलिङ पावर, कालिका पावर, युनिभर्सल पावर, आँखुखोला र युनियन हाइड्रोपावरको शेयरमूल्य ५ प्रतिशतभन्दा धेरैले बढेको छ ।
त्यस्तै, आज सुर्योदय वोमी लघुवित्त वित्तीय संस्थाका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य आज १० प्रतिशतले घटेको छ ।
कारोबारको आधारमा आज सबैभन्दा बढी अरुण भ्याली हाइड्रोपावरको भएको छ । यस कम्पनीको आज ५ करोड ३८ लाख भन्दा बढीको कारोबार भएको छ । त्यसैगरी, जाल्पा लघुवित्त पौने ५ करोड र हिमालयन डिस्टीलरी ४ करोड बढीको कारोबार हुँदै शीर्ष तीनमा रहे ।
