काठमाडौं, ७ असार । नेपाल टेलिकमको मिल्दोजुल्दो पेज बनाएर भ्रामक सूचनाहरू प्रवाह गर्नेहरु प्रति सचेत रहन आग्रह गरेको छ । मंगलवार आफ्नो फेसबुक पेज मार्फत सूचना जारी गर्दै उक्त आग्रह गरेको हो ।
टेलिकमले मिल्दोजुल्दो अन्य पेजहरूबाट भ्रामक सूचनाहरू प्रवाह भइरहेको भन्दै टेलिकमको आधिकारिक पेजबाट मात्रै सही सूचना आउने उल्लेख गरेको छ ।
टेलिकमद्धारा जारी सूचनामा भनिएको छ-‘नेपाल टेलिकमसँग मिल्दो जुल्दो अन्य पेजहरुबाट भ्रामक सूचनाहरु प्रवाह भइरहेको हुनाले नेपाल टेलिकमको आधिकारिक पेज कुन हो भनि थाहा पाउनको लागि Blue tick हेर्न नभुल्नुहोला।’
