काठमाडौं, १३ असार । आदर्श लघुवित्त वित्तीय संस्था लिमिटेडको निष्काशन खुला गरेको साधारण शेयर आइपीओ बाँडफाँड भएको छ।
विक्री प्रबन्धक बीओके क्यापिटलको कार्यालय सोमवार विहान ९ बजे आइपीओ बाँडफाँड भएको छ । आइपीओमा १६ लाख ७२ हजार ७९४ आवेदकको आवेदन स्वीकृत भएको छ भने १ हजार ८५८ आवेदकको आवेदन रद्द भएको छ।
आदर्श लघुवित्तले गत असार १ गतेदेखि ५ गतेसम्म ६७ लाख रुपैयाँबराबरको आइपीओ विक्री गरेको थियो। संस्थाले १०० अंकित दरका कुल ६७ हजार कित्ता आइपीओ जारी गरेको थियो।
जसमध्ये ५ प्रतिशतले हुने ३ हजार ३५० कित्ता सामूहिक लगानी कोष र ०.५ प्रतिशतले हुने १ हजार ३५ कित्ता शेयर कर्मचारीका लागि छुट्याइएको थियो ।
बाँकी ६२ हजार ६१५ कित्तामा सर्वसाधारणलाई आवेदन दिने व्यवस्था गरिएको थियो। मागभन्दा बढी आवेदन परेकै कारण आइपीओ गोलाप्रथाबाट बाँडफाँड गरिएको छ । गोलाप्रथाबाट भाग्य ६ हजार २६१ जनाले १० कित्ताका दरले शेयर पाएका छन् ।
भाग्यमानीमध्ये ५ जनाले थप १–१ कित्ता शेयर पाएका छन् । बाँकी १८ लाख बढी आवेदकको हात खाली भएको छ ।
यसरी हेर्नुहोस् नतिजा
लगानीकर्ताले https://iporesult.cdsc.com.np मा गएर १६ अंकको डिम्याट नम्बर हालेपछि सजिलै हेर्न सक्नेछन् ।
यसैगरी, विक्री प्रबन्धक बीओके क्यापिटलको वेबसाइट र आदर्श लघुवित्त वित्तीय संस्था लिमिटेडको वेबसाइटबाट पनि नतिजा हेर्न सकिनेछ ।
यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।
