काठमाडौं, १७ असार । शेयर बजारमा झिनो अंकको गिरावट आएको छ ।
साताको कारोबारको अन्तिमदिन शेयर बजार मापक सूचक नेप्से ८.८७ अंकले घटेर २०२८.७७ विन्दुमा झरेको हो ।
नेपाल स्टक एक्सचेन्जका अनुसार शुक्रवार दुई घण्टाको कारोबारमा २२१ कम्पनीको १ अर्ब ४५ करोड ९३ लाख १२ हजार १५ रुपैयाँ बराबरको ३६ लाख ६३ हजार२२० कित्ता शेयर किनबेच भएका छन् ।
आज कारोबारमा आएका १३ समूहको परिसूचक मध्ये ३ वटामा बढेको छ भने अन्य १० वटा राताम्मे भएका छन् ।
आज आँधीखोला लघुवित्त वित्तीय संस्थाको शेयरमूल्य र सिवाइसी नेपाल लघुवित्त वित्तीय संस्थाको शेयरमूल्य ९।९९ प्रतिशतले बढेको छ ।
त्यस्तै, कारोबारको आधारमा आज सबैभन्दा बढी शिवम सिमेन्ट भएको छ । यसको ५ करोड ५७ लाख भन्दा बढीको कारोबार भएको छ ।
दोस्रोमा एशियन लाईफ इन्सोरेन्सको ५ करोड २२ लाख र तेस्रोमा पूनर्बीमा कम्पनीको ४ करोड ९० लाख बढीको कारोबार भएको छ ।
नेप्सेका अनुसार स्ट्याण्डर्ड चार्टर्ड बैंक र युनाइटेड इन्स्योरेन्स कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य ४ प्रतिशत भन्दा बढीले घटेको छ ।
