काठमाडौं । पछिल्लो २४ घण्टामा नेपालमा थप ३९१ जनामा कोरोना भाइरस संक्रमण पुष्टी भएको छ।
स्वास्थ्य तथा जनसंख्या मन्त्रालयका अनुसार २५६२ नमूनाको पीसीआरमा ३४० र १४१९ नमूनाको एन्टिजेनमा ५१ जना गरी कूल ३९१ जनामा संक्रमण पुष्टि भएको हो।
योसँगै नेपालमा कोरोना संक्रमितको संख्या ९ लाख ८२ हजार ४५३ जना पुगेको छ ।
पछिल्लो २४ घण्टामा ४६ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ६८ हजार १७२ पुगेको छ । सक्रिय संक्रमितको संख्या २२७६ रहेको छ ।
पछिल्लो २४ घण्टामा मृत्यु हुनेको संख्या शून्य रहेको छ । नेपालमा कोरोना मृत्यु हुनेको संख्या ११ हजार ९५४ पुगेको छ ।
