काठमाडौं, २० साउन । पछिल्लो २४ घण्टामा नेपालमा थप ९१२ जनामा कोरोना भाइरस संक्रमण पुष्टी भएको छ।
स्वास्थ्य तथा जनसंख्या मन्त्रालयका अनुसार २९४१ जनाको पीसीआर परीक्षण गर्दा ५२९ जना र ३५५० जनाको एन्टिजेन परीक्षण गर्दा ३८३ जनामा संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ८९ हजार ३५० जना पुगेको छ ।
पछिल्लो २४ घण्टामा ३७० जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ७१ हजार ६२० पुगेको छ । सक्रिय संक्रमितको संख्या ५७६० रहेको छ ।
पछिल्लो २४ घण्टामा मृत्यु हुनेको संख्या १ रहेको छ । नेपालमा कोरोना मृत्यु हुनेको संख्या ११ हजार ९७२ पुगेको छ ।
