काठमाडौं । यूरोपियन मुद्राको भाउ लगातार खस्किँदै गएको छ । २० बर्षपछि अमेरिकी डलरको तुलनामा युरोपियन युरोको भाउ सस्तिएको छ ।
अमेरिकी डलरको तुलनामा यूरो २० वर्षयताकै कमजोर भएपछि बजारमा अमेरिकी डलरको तुलनामा र युरोको भाउ सस्तिन पुगेको छ ।
अमेरिकी डलरको भाउ निरन्तर रुपमा बढिरहेको बेला नेपाल राष्ट्र बैंकका अनुसार सोमवार अमेरिकी डलर एकको खरिदमूल्य १३१ रुपैयाँ ४२ पैसा र बिक्रीमूल्य १३२ रुपैयाँ २ पैसा रहेको छ ।
यसैगरी युरोपियन युरो एकको खरिददर १२८ रुपैयाँ ४ पैसा र बिक्रीदर १२८ रुपैयाँ ६३ पैसा, अष्ट्रेलियन डलर एकको खरिददर ८३ रुपैयाँ ७० पैसा र बिक्रीदर ८४ रुपैयाँ ०८ पैसा रहेको छ ।
क्यानेडियन डलर एकको खरिदमा ९५ रुपैयाँ ६५ पैसा र बिक्रीमा ९६ रुपैयाँ ०९ पैसा, सिङ्गापुर डलर एकको खरिददर ९१ रुपैयाँ ७० पैसा र बिक्रीदर ९२ रुपैयाँ १२ पैसा रहेको छ ।
त्यस्तै, जापानी येन १० को खरिदमूल्य ९ रुपैयाँ ४ पैसा र बिक्रीमूल्य ९ रुपैयाँ ८ पैसा, साउदी अरेवियन रियाल एकको खरिददर ३४ रुपैयाँ ९७ पैसा र बिक्रीदर ३५ रुपैयाँ १३ पैसा रहेको छ ।
कतारी रियाल एकको खरिदमूल्य ३६ रुपैयाँ ९ पैसा र बिक्रीमूल्य ३६ रुपैयाँ २५ पैसा रहेको छ भने कुवेती दिनार एकको खरिदमा ४२३ रुपैयाँ ९४ पैसा र बिक्रीमा ४२५ रुपैयाँ ८७ पैसा र बहराइन दिनार एकको खरिदमा ३४८ रुपैयाँ २२ पैसा र बिक्रीमा ३४९ रुपैयाँ ८१ पैसा रहेको छ ।
१७ पुस २०५५ मा यूरोपेली संघका ११ सदस्य मुलुकले एकल मुद्रा प्रणाली सञ्चालन गर्ने भनेर युरो प्रचलनमा ल्याएका थिए ।
अहिले युरोपका १९ मुलुकले यो मुद्रालाई बैधानिक भुक्तानीको माध्यमक अर्थात् राष्ट्रिय मुद्रा मानेका छन् । जर्मनी, फ्रान्स, इटली, स्पेन, नेदरल्याण्ड्स, पोर्चुगल, ग्रीस, बेल्जियम, अस्ट्रिया, स्लोभाकिया, फिनल्याण्ड, आयरल्याण्ड, लात्भिया, स्लोभेनिया, इस्टोनिया, साइप्रस, लक्जम्बर्ग र माल्टा यूरोजोनका सदस्य छन् ।
यी देशमा कति नेपाली छन् भन्ने स्पष्ट आँकडा नभए पनि थुप्रै नेपाली बसिरहेका छन् । यूरो कमजोर हुँदा यी मुलुकमा रहेर काम गर्ने नेपालीले पठाउने रेमिटेन्समा असर पर्नेछ ।
त्यसको सोझो प्रभाव रेमिटेन्सले धानेको नेपाली अर्थतन्त्रमा पर्न जानेछ ।
