काठमाडौं, १६ साउन । काठमाडौँ उपत्यकामा सञ्चालित ट्याक्सीमा छुटेको दुई लाख पचास हजार रूपैयाँ ट्याक्सी चालकले सम्बन्धित धनीलाई फिर्ता गरेका छन् ।
सिन्धुली जिल्ला सुनकोशी घर भई हाल ललितपुर बस्ने २७ वर्षीय ट्याक्सी चालक कुलबहादुर श्रेष्ठले उक्त रकम फिर्ता गरेका हुन् ।
बा२ज ४१५५ नंको ट्याक्सी चालक श्रेष्ठले रुकुम सिस्नेका २६ वर्षीय विवेक खड्काको ट्याक्सीमा छोडिएको रकम महानगरीय ट्राफिक महाशाखामा आएर सम्बन्धित धनीलाई फिर्ता गरेका हुन् ।
खड्का आज बिहान सुन्धाराको सिभिल मलदेखि न्युरोड जाने क्रममा ट्याक्सीमा रकम छोडेर हिँडेपछि चालक आफैँ पैसा फिर्ता गर्न महाशाखा आएका थिए ।
चालकले दिएको रकम महाशाखाका प्रहरी उपरीक्षक रवीकुमार पौडेलले धनी खड्कालाई हस्तान्तरण गरे । (रासस)
