नयाँ दिल्ली । बमको हल्ला चलेपछि भारतको राजधानी नयाँ दिल्लीस्थित इंदिरा गांधी अंतरराष्ट्रीय विमानस्थल प्रभावित भएको छ ।
सोमबार राती पौने ९ बजे विमानस्थलको टर्मीनल २ मा बम रहेको फोन अज्ञात समूहले दिएको थियो । त्यसपछि विमानस्थल बन्द गराएर सर्च शुरु भएको थियो ।
करीव ७० मिनेटसम्म विमानस्थल बन्द गरियो । तर, कुनै सही सूचना नभएको र बम फेला नपरेपछि विमानस्थल सूचारु गरिएको थियो ।
विमानस्थलको प्रस्थान टर्मीनल खाली गराएर खोजी कार्य जारी रहेको थियो । जहाजमा रहेका यात्रुलाई जहाज भित्रै राखिएको थियो ।
बम डिस्पोजल टोलीलाई परिचालन गरि बमको खोजी व्यापक बनाइएको थियो । टोलीले केंद्रीय औद्योगिक सुरक्षा बलको समेत सहयोग मागिरहेको थियो ।
जम्मु कश्मीरको मामिलालाई लिएर अहिले भारतमा सुरक्षा व्यवस्था कडा पारिएको छ । विमानस्थलहरु सबैभन्दा बढी सुरक्षा संवेदनशिल क्षेत्र हुन् ।
जहा कडा सुरक्षा व्यवस्था राखिएको छ । त्यसका वावजुत विमानस्थलमा बमको हल्ला फैलिएपछि भारतीय सुरक्षा अधिकारीहरुलाई झस्काएको छ ।
एजेन्सी
