काठमाडौं । आर्टिफिसियल इन्टेलिजेन्स एआईको गडफादरका रूपमा चिनिने एक व्यक्तिले आफ्नो जागिर छोडेका छन्। ७५ वर्षीय जेफ्री हिन्टनले न्युयोर्क टाइम्सलाई दिएको एक बयानमा गुगलबाट राजीनामा दिने घोषणा गरेका छन् ।
उनको राजीनामा भन्दा गम्भीर कुरा बनेको छ एआइसम्बन्धि उनले दिएको चेतावनी । आर्टिफिसियल इन्टेलिजेन्स एआई च्याटबोट निकै खतरनाक हुन सक्ने बताएका छन् ।
हाल एआई हामीभन्दा बुद्धिमानी नभएपनि चाँडैलै मानिस भन्दा बुद्धिमान हुने खतरा छ । बेलायती–क्यानेडियन संज्ञानात्मक मनोवैज्ञानिक तथा कम्प्युटर वैज्ञानिकले बीबीसीलाई बताएअनुसार च्याटबोटले चाँडै नै मानव मस्तिष्कमा भएको सूचनाको स्तरलाई उछिन्न सक्छ ।
अहिले हामीले के देखिरहेका छौं भने जीपीटी–४ जस्ता कुराले मानिससँग भएको सामान्य ज्ञानको मात्रालाई ग्रहण गर्छ र यसले उनीहरूलाई लामो समयसम्म ग्रहण गर्छ ।
प्रगतिको दरलाई हेर्दा, हामी आशा गर्दछौं कि चीजहरू धेरै छिटो राम्रो हुनेछन्। त्यसैले हामीले यसको बारेमा चिन्ता गर्नु आवश्यक छ।
न्युयोर्क टाइम्समा प्रकाशित रिपोर्ट अनुसार डाक्टर हिन्टनले खराब कर्ताहरुको बारेमा चर्चा गरेका छन् जसले खराब कामका लागि एआईको प्रयोग गर्दछन् । कुनैदिन कोही खराब व्यक्तिले आफ्नो लक्ष्य सिर्जना गर्ने क्षमता रोबोटलाई दियो भने के होला भन्ने चिन्ता उनको छ ।
भविष्यमा आर्टिफिसियल इन्टेलिजेन्स रोबोटहरुले आफुलाई अझै धेरै शक्तिशाली बनाउने उप लक्ष्य आफै सेट गर्न सक्ने उनले बताएका छन् । च्याट जिपिटीजस्ता लोकप्रिय एआई च्याटबट सम्मको मार्ग हिन्टनले नै पत्ता लगाएका थिए । उनले एक अन्तरवार्तामा च्याटबटले छिटै नै मानिसको मस्तिष्कमा हुने जानकारीको स्तरलाई पार गर्ने जिकीर गरेका छन् ।
उनले भनेका छन् अहिले हामी च्याट जिपिटी ४ जस्ता चिज देखिरहेका छौँ, जो सामान्य ज्ञानको मामिलामा कुनै सामान्य मानिसलाई माथ खुवाउन सक्दछन् ।
उनका अनुसार डिजिटल सिस्टममा एउटै चिजका धेरै कपीहरु बनाउन सकिने र ती सबैले एउटै समयमा फरक फरक कुरा सिक्न सक्ने भएको हुनाले च्याटबटले कुनै एक मानिसले भन्दा धेरै कुरा जान्नेछ ।
बिबिसीबाट अनुवाद
