काठमाडौं । भैरहवाबाट काठमाडौंका लागि उडेको श्री एयरलाइन्सको जहाज बीच बाटोबाटै भैरहवा फर्किएको छ । उडानका क्रममा जहाजमा प्राविधिक समस्या देखिएपछि जहाज भैरहवा नै फर्किएको हो ।
सोमबार बिहान ९.४० मा उडान भरेको श्री एयरको ७२ सिट क्षमताको जहाज उडान भरेको २० मिनेटपछि भैरहवा विमानस्थलमै फर्किएर सुरक्षित रुपमा अवतरण गरेको जनाईएको छ । चालक दलका सदस्यहरूले इन्डिकेटरले विमानमा खराबी देखाएकोले बीचबाटै फर्किएको बताएका छन् । तर, कस्तो समस्या हो भन्ने पत्ता लागिसकेको छैन ।
जहाज अहिले रनवेमै रहेका कारण विमानस्थल क्लोज गरिएको छ । काठमाडौंबाट भैरहवा गएको एती एयरलाइन्सको एउटा जहाजले आकाशमा फन्को लगाइरहेको छ ।
