बालुवाटारमा तरकारी खेती, हरियो कपडा लगाएर प्रधानमन्त्रीले रोपे फर्सी र घिरौला

काठमाडौं । गणतन्त्र दिवसको अवसरमा प्रधानमन्त्री निवास बालुवाटारमा तरकारी खेतीको शुभारम्भ गरिएको छ।

प्रधानमन्त्री पुष्पकमल दाहाल प्रचण्डले आज बालुवाटार परिसरमा तरकारी खेतीको शुभारम्भ गरेका हुन्।

प्रचण्डले निवास परिसरमा रहेको करेसाबारीमा आज बिहान काउली, काँक्रो, घिरौला, करेला, मकै, फर्सी, खोर्सानी, बोडी, सिमी, भान्टा, धनीयाँ लगायतका बीउ र बेर्ना रोपेका हुन्।

सो अवसरमा उनले अर्थतन्त्रको मुख्य मेरूदण्ड कृषि भएको बताउँदै यसलाई व्यवस्थित गर्नेतर्फ आफ्नो जोड हुने बताएका थिए।

‘कृषि क्षेत्रलाई उच्च प्राथमिकता दिएर मात्र समृद्धिको लक्ष्य हासिल गर्न सकिन्छ । कृषि उत्पादनमा सम्पूर्ण तागत केन्द्रित नगरी राष्ट्रिय अर्थतन्त्रको निर्माण गर्न सकिँदैन,’ उनले भने ।

LEAVE A REPLY

Please enter your comment!
Please enter your name here