काठमाडौं । केही दिनदेखि शेयर बजार लगातार उकालो लागेको छ । पछिल्लो समय बजारले गतिलिएसँगै लगानीकर्ता माइक्रोफाइनान्सको शेयरमा झुम्मिएका छन् ।
साताको कारोबारको तेस्रोदिन शेयर बजार मापक सूचक (नेप्से) ५६.९४ अंकले बढेर २१८६.३६ विन्दुमा पुगेको हो ।
नेपाल स्टक एक्सचेन्जका अनुसार मंगलवार २७५ कम्पनीको ५ अर्ब ४७ करोड ६२ लाख ८७ हजार ७४० रुपैयाँ बराबरको शेयर किनबेच भएका छन् ।
अघिल्लो दिनको तुलनामा कारोबार बढेको छ । त्यसदिन ५ अर्ब ३१ करोड २४ लाख २२ हजार ८७ रुपैयाँ बराबरको शेयर किनबेच भएको थियो ।
यसअघि होटल, बीमा कम्पनी, फाइनान्स कम्पनीहरुको सेयरमा झुम्मिएका लगानीकर्ता आज माइक्रोफाइनान्समा डाइभर्ट भएका छन् ।
माइक्रोफाइनान्स समूहको उपसूचक करिब ९ प्रतिशतले बढेको छ भने २ दर्जन कम्पनीको शेयर मूल्यमा पोजेटिभ सर्किट लागेको छ ।
