काठमाडौं । माध्यमिक शिक्षा परीक्षा (एसईई) को प्रमाण पत्रमा विद्यार्थीको नाम, थर र जन्ममिति सच्याउन परेमा अबको ६ महिनाभित्र सच्याउन सकिने राष्ट्रिय परीक्षा बोर्डले जनाएको छ ।
नाम, थर र जन्ममिति सच्याउनु परे विद्यार्थीले प्रमाण पत्र पाएको ६ महिनाभित्र प्रमुख जिल्ला अधिकारी (सीडीओ) समक्ष निवेदन दिनुपर्ने राष्ट्रिय परीक्षा बोर्डले जनाएको छ । प्रमुख जिल्ला अधिकारीले सिफारिसका आधारमा बोर्डले नाम, थर र जन्ममिति सच्याउन मिल्ने पनि बोर्डले बताएको छ ।
‘उमेर, नाम, जात सच्याउने नियमहरू, २०१७’ मा व्यवस्था रहेको छ । बोर्डको अनुसार ‘उमेर, नाम, जात सच्याउने नियमहरू, २०१७’ व्यवस्थाबारे विद्यालय, विद्यार्थी, अभिभावक तथा शैक्षिक संघसंस्थाहरू जानकार नहुँदा धेरै विद्यार्थी समस्यामा परेका छन् ।
