मलंगवा । सर्लाहीको पर्सा गाउँपालिका–४, जिङ्गडवास्थित बाँके खोलामा तटबन्ध निर्माणका लागि खनिएको खाल्डोको पानीमा डुबेर दाजुभाइको मृत्यु भएको छ ।
स्थानीय नागेन्द्र महतोका १२ वर्षीय छोरा प्रिन्स र १० वर्षीय दिपुको मृत्यु भएको जिल्ला प्रहरी कार्यालय सर्लाहीका निमित्त प्रमुख प्रहरी नायब उपरीक्षक दीपेन्द्र पन्जियार थारुले जानकारी दिए ।
शनिबार दिउँसो घरबाट निस्किएका बालकद्वय राति अबेरसम्म नफर्किएपछि अभिभावकले खोज्दै जाँदा गए राति घरभन्दा ३०० मिटरको दूरीमा रहेको बाँके खोलामा खनिएको खाल्डोमा शव फेलापरेको थियो । नागेन्द्रका दुवै छोराको मृत्यु भएपछि अहिले पूरै जिङ्गडवा गाउँ शोकमाा डुबेको छ । रासस
