काठमाडौं । काठमाडौंको नयाँ बानेश्वर क्षेत्रमा भोलिदेखि ‘स्मोकिङ जोन’ छुट्याइएका ठाउँहरू बाहेक अन्य क्षेत्रमा धूमपान गर्न निषेध गरिएको छ ।
निषेधित क्षेत्रमा चुरोट, सुर्ती तथा कुनैपनि सुर्तीजन्य पदार्थ खान र फाल्न पाइने छैन । नयाँ बानेश्वर व्यापार व्यवसायी संघ, छक्कुबक्कु मन्दिर संरक्षण समिति, हाम्रो बानेश्वर, वडा नम्बर ३० का स्थानीय, नयाँ मार्ग टोल विकास समिति लगायतका निकायबाट खटिएका स्वंयम्सेवकले प्रयोगकर्ताको निगरानी गर्नेछन् ।
खुला ठाउँमा कसैले धूमपान गरिरहेको पाइएमा सम्झाइ बुझाइ गर्नेछन् । प्रयोगकर्ताले अटेर गरेको खण्डमा काठमाडौं महानगरका नगर प्रहरीले कारबाही गर्नेछन् ।
