काठमाडौं । प्रहरीले काठमाडौंमा श्रृंखलाबद्ध चेन स्न्याचिङ (सिक्री लुटपाट) मा संलग्न एउटा समूहलाई पक्राउ गरेको छ ।
सिक्री लुटपाटमा संलग्न व्यक्तिलाई मोटरसाइकलसहित पक्राउ गरी प्रहरीले आइतबार जिल्ला प्रहरी परिसर काठमाडौं पठाएको छ।
पक्राउ पर्नेहरुमा रामेछाप, लिखु गाउँपालिका- १ स्थायी घर भई काठमाडौं, हाँडी गाउँ बस्ने ३२ वर्षीय दमाई, धरान- ८ घर भई काठमाडौं, चाबहिल बस्ने १८ वर्षीय रवि विश्वकर्मा, काभ्रे, पाँचखाल- ७ घर भई काठमाडौं, बानेश्वर बस्ने २६ वर्षीय उमेश क्षेत्री, धनकुटा, लेगुवा घर भई काठमाडौं, रामन्दिर बस्ने ३० वर्षीय राहुल माझी र भारत पश्चिम बंगाल घर भई काठमाडौं, न्युरोड बस्ने ४२ वर्षीय श्रीमान्ती माइती छन्।
लुटेराहरुले विशेष गरी मर्निङ वाक गरिरहेका महिलाले घाँटीमा लगाएको सिक्री लुटेर भाग्ने गरेको प्रहरीले जनाएको छ।
