काठमाडौं । नेपाल स्टक एक्सचेन्ज (नेप्से) मा तीन कम्पनीको आइपीओ सूचीकृत भएको छ ।
बिहीबार घोराही सिमेन्ट, थ्रीस्टार हाइड्रोपावर र अप्पर स्याङ्गे हाइड्रोपावरको आइपीओ सूचीकृत भएको हो । घोराही सिमेन्टको प्रतिकित्ता १०० रुपैयाँ दरले ३ करोड ९७ लाख १९ हजार ६ कित्ता सेयर सूचीकरण भएको हो ।
नेप्सेले घोराहीको पहिलो कारोबारका लागि न्यूनतम २२६.६१ रुपैयाँदेखि अधिकतम ६७९.८३ रुपैयाँ ओपनिङ रेन्ज तोकेको छ । GCIL संकेत चिह्नमा यसको कारोबार हुनेछ ।
यस्तै, थ्रीस्टार हाइड्रोपावरको ४९ लाख २५ हजार कित्ता सेयर सूचीकरण भएको हो । यसको पहिलो कारोबारका लागि नेप्सेले ८५.६५ रुपैयाँदेखि अधिकतम २५६.९५ रुपैयाँ ओपनिङ रेन्ज तोकेको छ । कम्पनीको कारोबारका लागि नेप्सले TSHL संकेत चिह्न प्रदान गरेको छ ।
यसैगरी, अप्पर स्याङ्गे हाइड्रोपावरको २२ लाख कित्ता सेयर सूचीकरण भएको हो । यसको पहिलो कारोबारका लागि नेप्सेले ८४.५४ रुपैयाँदेखि अधिकतम २५३.६२ रुपैयाँ ओपनिङ रेन्ज तोकेको छ । कम्पनीको कारोबारका लागि नेप्सले USHL संकेत चिह्न प्रदान गरेको छ ।
