काठमाडौं । शेयर बजार उच्च अंकले घटेको छ । साताको कारोबारको अन्तिम दिन शेयर बजार मापक सूचक (नेप्से) २८.९२ अंकले घटेर १९३२.४५ विन्दुमा झरेको हो ।
नेपाल स्टक एक्सचेन्जका अनुसार विहीबार २७६ कम्पनीको १ अर्ब १५करोड ९लाख २० हजार ६०७ रुपैयाँ बराबरको शेयर किनबेच भएका छन् ।
आज कारोबारमा आएका १३ वटा उपसमूहको परिसूचक घटेको छ । जलविद्युत उपसमूहको परिसूचक सबैभन्दा धेरै २.५० प्रतिशतले घटेको छ ।
आज लिवर्टीको सर्वाधिक कारोबार भएको छ । यसको ६ करोड १५ लाख रुपैयाँ बढीको शेयर किनबेच भएको छ ।
घट्दो बजारमा आज एक कम्पनीको शेयर मूल्यमा पोजेटिभ सर्किट लागेको छ । शुभम पावर शेयर मूल्य १० प्रतिशतले बढेको छ ।
