काठमाडौं । शेयर बजार दोहोरो अंकले घटेको छ । साताको पहिलो दिन १० अंक र दोस्रो दिन ४४ अंकले बढेको बजार आज भने ओरालो लागेको छ । आज शेयर बजार मापक सूचक (नेप्से) १९.४२ अंकले घटेर १९६७.५७ विन्दुमा पुगेको हो ।
नेपाल स्टक एक्सचेन्जका अनुसार मंगलवार २७६ कम्पनीको १ अर्ब १३ करोड ५० लाख ५७ हजार ५१५ रुपैयाँ बराबरको शेयर किनबेच भएका छन् ।
अघिल्लो दिनको तुलनाका कारोबार रकम घटेको छ । सोमवार १ अर्ब ५१ करोड ८३ लाख ४३ हजार ३९७ रुपैयाँ बराबरको शेयर किनबेच भएको थियो ।
आज कारोबारमा आएका १३ वटा उपसमूहको परिसूचक मध्ये एक वटाबाहेकक सबै ओरालो लागेको छ ।
आज एसबीआई बैंकको सर्वाधिक कारोबार भएको छ । यसको ५ करोड ५६ लाख रुपैयाँ बढीको शेयर किनबेच भएको छ ।
