काठमाडौं । सोमबारदेखि लगातार उकालो लागेको नेप्से आज दोहोरो अंकले घटेको छ । साताको कारोबारको पहिलो दिन नेप्से परिसूचक १९.४२ अंकले घटेर २०१०.३५ विन्दुमा पुगेको छ । यसदिन २८५ कम्पनीको २ अर्ब ३२ करोड ६८ लाख ९५ हजार २०६ कित्ता शेयर किनबेच भएको छ ।
आज कारोबारमा आएका १३ वटा समूहको परिसूचकमध्ये एक वटा बढेको छ भने अन्य सबै घटेको छ । आज माछापुच्छ्रे बैंकको सर्वाधिक कारोबार भएको छ । यसको १३ करोड २४ रुपैयाँ बढीको शेयर किनबेच भएको छ ।
दोहोरो अंकले घटेको बजारमा पनि आज तीन कम्पनीको मूल्यमा पोजेटिभ सर्किट लागेको छ । एशियन हाइड्रोपावर, स्वरोजगार लघुवित्त र हिमालयन लघुवित्तका शेयरधनीले १० प्रतिशत कमाएका छन् ।
