काठमाडौं, १८ भदौ । तीज सकिएसङ्गै नेपाली बजारमा सुनको मूल्य प्रतितोला १ हजार रुपैयाँले बढेको छ ।
मंगलबार प्रतितोला ७२ हजार ५ सय रुपैयाँमा कारोबार भएको छापावाल सुनको मूल्य बुधवार १ हजार रुपैयाँले बढेर प्रतितोला ७३ हजार ५ सय कायम भएको नेपाल सुनचाँदी व्यवसायी महासंघले बताएको छ ।
त्यस्तै, तेजावी सुनमा पनि प्रतितोला १ हजार रुपैयाँले वृद्धि भएको छ । मंगलवार ७२ हजार २ यस रुपैयाँ प्रतितोलामा कारोबार भएको तेजावी सुनको मूल्य बुधवार ७३ हजार २ यस रुपैयाँ कायम भएको छ ।
बुधबार सुनसँगै चाँदीको मूल्य पनि बढेको छ। चाँदीको मूल्य पनि प्रतितोला ४५ रुपैयाँले बढेर ९ सय ४० रुपैयाँमा खरिद बिक्री भइरहेको महासंघले जनाएको छ।
