काठमाडौं । शेयर बजारमा दोहोरो अंकले घटेको छ । साताको कारोबारको पहिलो दिन नेप्से परिसूचक २३.१६ अंकले घटेर १८५१. ४३ विन्दुमा झरेको हो ।
यसदिन २८४ कम्पनीको १ अर्ब २५ करोड ३२ लाख ९१ हजार ७० रुपैयाँ बराबरको ४८ लाख ३७ हजार ८९३ कित्ता शेयर किनबेच भएको छ ।
अघिल्लो दिनको तुलनामा भारी गिरावट भएको छ । बिहीवार १ अर्ब ७० करोड १ लाख २९ हजार ८१५ रुपैयाँ बराबरको कारोबार भएको थियो । कारोबारमा आएका १३ वटा समूहको परिसूचक घटेको छ ।
आज प्रभू बैंकको प्रमोटर शेयर सर्वाधिक कारोबार भएको छ । यसको ६ करोड २४ लाख रुपैयाँ बढीको शेयर किनबेच भएको छ ।
