काठमाडौं । बाराको कैलयामा गोली प्रहारबाट घाइते भएका बाल एकता इङिलस बोर्डिङ्ग स्कुलका प्राधानाध्यपक रुपेश स्वर्णकारको मृत्यु भएको छ ।
सोमबार दिउँसो कलैयास्थित एक खाजा पसलबाट खाजा लिएर स्कुल फर्किरहेका उनलाई दुई वटा मोटरसाइकलमा आएका चार जना अज्ञात व्यक्तिले चार राउण्ड गोली हानेका थिए ।
अज्ञात समूहले गरेको गोली प्रहारबाट गम्भीर घाइते भएका स्वर्णकारको उपचारको क्रममा वीरगन्जको बयोधा अस्पतालमा मृत्यु भएको प्रहरीले जनाएको छ । स्वर्णकारको शव अहिले बयोधा अस्पतालमै राखिएको बारा प्रहरी बताएको छ ।
कलैया अस्पतालमा उपचार हुन नसकेपछि अन्तिममा उनलाई बयोधा अस्पताल लगिएको थियो । स्वर्णकारको टाउको र छातिमा ३ राउण्ड गोली लागेको थियो।
