काठमाडौं । शेयर बजारझिनो अंकले बढेको छ । साताको कारोबारको दोस्रो दिन नेप्से परिसूचक ३.०४ अंकले बढेर १८७८.७० विन्दुमा पुगेको हो । यसदिन २८७ कम्पनीको ६९ करोड ४२ लाख २२ हजार २१७ रुपैयाँ बराबरको २८ लाख २४ हजार ७ कित्ता शेयर किनबेच भएको छ ।
कारोबारमा आएका १३ वटा समूहमध्ये १० समूहको परिसूचक बढेको छ भने ३ को घटेको छ । निर्जीवन बीमा समूहको परिसूचक सबैभन्दा धेरै ०।८६ प्रतिशतले बढेको छ ।
आज साधना लघुवित्तको प्रमोटर शेयर सर्वाधिक कारोबार भएको छ । यसको साढे ३ करोड रुपैयाँ बढीको शेयर किनबेच भएको छ ।
झिनो अंकले बढेको बजारमा आज पञ्चकन्या माइ हाइड्रोपावरका शेयरधनीले सर्वाधिक ७।८२ प्रतिशत कमाएका छन् । त्यस्तै, मन्दकिनी हाइड्रोपावर र सुपर मोदी हाइड्रोपावरको शेयर मूल्य ५ प्रतिशतभन्दा धेरैले बढेको छ ।
यता सोनापुर मिनरल्सको सेयर मूल्यमा भने लगातार दोस्रो दिन नेगेटिभ सर्किट लागेको छ । यसका शेयरधनीले आज पनि ठ्याक्कै १० प्रतिशत गुमाएका छन् ।
