काठमाडौं । सेयर बजारमा सुधार आएको छ । गत मंगलबारदेखि लगातार ओरोलो लागेको नेप्से ५१ अंकको गिरावटपछि सोमबार दोहोरो अंकले कमब्याक गरेको हो । सोमबार नेप्से परिसूचक २१.३० अंकले बढेर १८४७.५४ विन्दुमा पुगेको छ ।
यसदिन २८३ कम्पनीको ९३ करोड रुपैयाँ बढीको ३५ लाख ५५ हजार ६७० कित्ता सेयर किनबेच भएको छ ।कारोबारमा आएका १३ वटै समूहको परिसूचकमा हरियाली छाएको छ ।
होटल समूहको परिसूचक सबैभन्दा धेरै ३.७४ प्रतिशतले बढेकोे छ ।आज सोल्टी होटलको सर्वाधिक कारोबार भएको छ । यसको झन्डै साढे ६ करोड रुपैयाँको सेयर किनबेच भएको छ ।
