काठमाडौं । नेपालमा टिकटकले सामाजिक सद्भावमा आँच ल्याएको भन्दै बन्द गरेको अवस्थामा अमेरिकाका एक न्यायाधीशले भने मोन्टानाले टिकटकमाथि लगाएको प्रतिबन्धले प्रयोगकर्ताको अभिव्यक्ति स्वतन्त्रताको अधिकार हनन गरेको भन्दै त्यसलाई रोकेका छन् ।
मे मा, मोन्टाना प्रतिबन्ध पारित गर्ने पहिलो अमेरिकी राज्य बनेको थियो जुन १ जनवरीदेखि लागू हुने तय गरिएको थियो।
चीनको बाइटडान्सको स्वामित्वमा रहेको छोटो भिडियो सेयरिङ एपले एक हप्तापछि मोन्टानाविरुद्ध मुद्दा दायर गरेको थियो ।
अमेरिकी जिल्ला न्यायाधीश डोनाल्ड मोलोयले टिकटकको पक्षमा उभिएका छन् । यसले एकभन्दा बढी तरिकाले संविधानको उल्लङ्घन गरेको र राज्यशक्तिको उल्लंघनु गरेको बताएका छन्। सो कानुनका अनुसार एप स्टोरहरूले टिकटक प्रस्ताव गर्न अबैध बनाउने तथा फर्महरूले १०,० अमेरिकी डलर सम्मको जरिवाना तिर्नुपर्ने थियो ।
टिकटकले यो असंवैधानिक कानूनलाई अस्वीकार गरिएकोमा खुशी लागेको बताएको छ ।
मोन्टानाको सरकारी वकिलको कार्यालयलेूमोन्टानानहरूलाई चीनबाट बचाउने कानूनको रक्षा गर्नू आफ्नो अर्को कदमहरू विचार गरिरहेको रोयटर्सले जानकारी दिएको छ । १० लाखभन्दा बढी जनसंख्या भएको मोन्टानाले गत डिसेम्बरमा सरकारी उपकरणमा एपमाथि प्रतिबन्ध लगाएको थियो ।
टिकटकका १५ करोड अमेरिकी प्रयोगकर्ता रहेको र तीमध्ये अधिकांश किशोरावस्था र २० वर्ष काटेका रहेको टिकटकले जनाएको छ ।
यो एप चीन सरकारलाई डाटा हस्तान्तरण गर्न सकिने चिन्ताका कारण विश्वभरका अधिकारीहरुको निगरानीमा आएको छ ।
कंग्रेसको एक समितिले मार्चमा आफ्ना प्रमुख कार्यकारी शौ जी च्यूलाई यो सम्भव छ कि छैन भनेर प्रश्न गरेको थियो।
