काठमाडौं । न्यूरोडस्थित अवैध सुन गाल्ने एक कारखानामा प्रहरीले छापा हानेको छ । काठमाडौं उपत्यका अपराध अनुसन्धानको टोलीले गएराति कैलालीका पदमप्रसाद पाण्डेले सञ्चालन गरेको पर्ल गोल्ड प्रालिमा छापा मारेको हो ।
छापा मार्दा करिब ७ किलो अवैध सुन बरामद भएको प्रहरीले जनाएको छ । प्रहरीका अनुसार बरामद सुनमध्ये केही बिस्कुट आकार र केही गहना बनाइसकेको अवस्थामा फेला परेको छ । त्यस सम्बन्धमा अनुसन्धान भइरहेको प्रहरीको भनाइ छ ।
विदेशबाट विभिन्न आकारमा आएको सुनलाई काठमाडौं उपत्यकाभित्र रहेका सुन पगाल्ने कारखाना गालेर भारत लग्ने गरेको देखिएको छ।
