काठमाडौं । एक सातादेखि लगातार ओरालो लागेको शेयर बजारमा ब्रेक लागेको छ । गत सोमबारदेखि लगातार ओरालो लागेको नेप्से साताको कारोबारको चौथो दिन झिनो अंकले बढेको हो । बुधवार नेप्से परिसूचक ३.३३ अंकले बढेर १८४१.०४ विन्दुमा पुगेको हो ।
यसदिन २९३ कम्पनीको १ अर्ब १४ करोड १८ लाख १२ हजार ३८२ रुपैयाँ बढीको ३७ लाख ५५ हजार १२४ कित्ता शेयर किनबेच भएको छ ।
अघिलो दिनको तुलनामा कारोबार रकममा भारी गिरावट आएको छ । मंगलवार १ अर्ब ५४ करोड ४९लाख ३५ हजार ४३८ रुपैयाँ बढीको कारोबार भएको थियो । कारोबारमा आएका १३ वटा उपसमूहमध्ये ८ वटा बढेको छ भने अरु सबैको परिसूचक राताम्मे भएको छ ।
सबैभन्दा बढी कारोबार रिलायबल नेपाल लाइफ इन्स्योरेन्स कम्पनी लिमिटेडको भएको छ । आज यस बैंकको ७ करोड ३४ लाख बराबरको कारोबार भएको छ ।
ग्लोबल आइएमई लघुवित्त वित्तीय संस्थाको शेयरमूल्य आज १० प्रतिशतले बढेर प्रतिकित्ता ८५८ रुपैयाँ पुगेको छ । साथै विजय लघुवित्त वित्तीय संस्थाको शेयरमूल्यमा ८.७ प्रतिशतले बढेर प्रतिकित्ता ६१६ रुपैयाँ पुगेको छ ।
त्यस्तै, सिंगटी हाइड्रो इनर्जि लिमिटेड लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज ९.१३ प्रतिशतले घटेको छ ।
