एजेन्सी । पोर्चुगिज सुपर स्टार क्रिस्टियानो रोनाल्डो सन् २०२३ मा सर्वाधिक गोल गर्ने खेलाडी बनेका छन् ।
अल नासरमा आबद्ध रोनाल्डोले यस वर्ष ५३ गोल गरेका छन् । उनी जारी सिजनको साउदी प्रो लिगका सर्वाधिक गोल र असिस्टकर्ता पनि हुन् । उनले यस सिजनमा सर्वाधिक १९ गोल गर्दा ९ असिस्ट प्रदान गरेका छन् ।
यस्तै, सन् २०२३ मा सर्वाधिक गोल गर्ने मामलामा रोनाल्डोभन्दा पछाडि बायर्न म्युनिखका ह्यारी केन र पेरिस सेन्ट जर्मेन पीएसजीका केलियन एम्बाप्पे छन् । केन र एम्बाप्पे दुवैले ५२/५२ गोल गरेका छन् ।
उनीहरूपछि म्यानचेस्टर सिटीका अर्लिङ हालान्ड रहेका छन् । उनले यो वर्ष ५० गोल गरेका छन् । नले नर्वेका लागि ६ गोल गरेका छन् भने म्यानचेस्टर सिटीका लागि ४४ गोल गरेका छन्। यद्यपी हालाण्डले यस बर्ष अझै २ खेल खेल्न बाँकी रहेको छ।
त्यसैगरी रोमाबाट खेल्ने बेल्जियमका रोमेलु लुकाकुले २०२३ मा ४० गोल गरेका छन् भने फेयनोर्डबाट खेल्ने मेक्सिकोका सान्टियगो गिमेनेजले ३९ र इन्टर मिलानबाट खेल्ने अर्जेन्टिनाका लाउतारो मार्टिनेजले यस बर्ष ३७ गोल गरेका छन्।
