काठमाडौं । अमेरिकी समाचार संस्था द न्युयोर्क टाइम्सले च्याटजीपीटीका मालिक ओपनएआईविरुद्ध आफ्नो प्रतिलिपि अधिकार उल्लङ्घन गरेको भन्दै मुद्दा दायर गरेको छ ।
माइक्रोसफ्टलाई पनि प्रतिवादी बनाइएको उक्त मुद्दामा कम्पनीहरूलाई अर्बौं डलरको क्षतिका लागि जिम्मेवार ठहराउनुपर्ने उल्लेख छ।
बीबीसीले टिप्पणीका लागि ओपनएआई र माइक्रोसफ्टसँग सम्पर्क गरेको थियो । न्यूयोर्क टाइम्सले प्रकाशित गरेका लाखौं लेखहरू च्याटजीपीटीलाई स्मार्ट बनाउन यसको अनुमति बिना प्रयोग गरिएको दाबी गरिएको छ । त्यस्तै उपकरणले अब विश्वसनीय सूचना स्रोतको रूपमा अखबारसँग प्रतिस्पर्धा गरिरहेको समेत बताइएको छ।
यसले आरोप लगाएको छ कि हालको घटनाहरूको बारेमा सोध्दा, च्याटजीपीटीले कहिलेकाँही न्यूयोर्क टाइम्सलेखहरूबाट शब्द वा अंशहरूू देखाउने गर्छ । जुन सदस्यहरुले पैसा नतिरी हेर्न सक्दैनन् । सदस्यताको लागि भुक्तान नगरी पहुँच गर्न सकिँदैन।
मुद्दाका अनुसार, पाठकहरूले यसको लागि भुक्तान नगरी न्यूयोर्क टाइम्स सामग्री प्राप्त गर्न सक्दछन् । यसको अर्थ यसले सदस्यता राजस्वको साथसाथै वेबसाइटमा आउने व्यक्तिहरूबाट विज्ञापन क्लिकहरू गुमाउँदैछ।
यसले बिंग सर्च इन्जिनको उदाहरण पनि दियो । जसमा च्याटजीपीटीद्वारा संचालित केही सुविधाहरू छन् ।
म्यानहटनको संघीय अदालतमा बुधबार दायर गरिएको मुद्दामा न्युयोर्क टाइम्सले गत अप्रिलमा माइक्रोसफ्ट र ओपनएआईसँग आफ्नो प्रतिलिपि अधिकारको विषयमा सौहार्दपूर्ण समाधान खोज्न असफल भएको खुलासा गरेको छ ।
ओपनएआईमा सहसंस्थापक र सीईओ सैम अल्टम्यानलाई बर्खास्त गरिएको एक महिना पछि यो आएको हो ।
