काठमाडौं । शेयर बजार झिनो अंकले घटेको छ । साताको कारोबारको पहिलो दिन नेप्से परिसूचक ८.७७ अंकले घटेर २०६०.१५ विन्दुमा झरेको हो ।
यसदिन ३०६ कम्पनीको ४ अर्ब ४८ करोड ३९ लाख ८२ हजार ४६१ रुपैयाँ बराबरको १ करोड १८ लाख ९२ हजार ५५९ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ५ वटाको परिसूचक बढेको छ भने ८ को घटेको छ ।
आज शिवम् सिमेन्टको सर्वाधिक कारोबार भएको छ । यसको २० करोड रुपैयाँ बढीको शेयर किनबेच भएको छ । त्यस्तै, सोनापुर सिमेन्ट २० करोड र हाथवे इन्भेष्टमेन्टको १७ करोड बढीको शेयर कारोबार भएको छ ।
घट्दो बजारमा पनि आज ६ कम्पनीको शेयर मूल्यमा पोजेटिभ सर्किट लागेको छ । सीईडीबी हाइड्रोपाव र चिरख्वा हाइड्रोपावरको शेयर मूल्य ठ्याक्कै १० प्रतिशतले बढेको छ ।
त्यस्तै, मुक्तिनाथ कृषि कम्पनी, नेपाल वेयरहाउजिङ, हाथवे इन्भेष्टमेन्ट र हिमालयन हाइड्रोपावरका शेयरधनीले पनि करिब १० प्रतिशत कमाएका छन् ।
