काठमाडौं । सिराहामा मिटरब्याजी पीडितलाई खुकुरी प्रहार प्रयास गरेको आरोपमा प्रहरीले एक जनालाई पक्राउ गरेको छ।
सोमबार दिउँसो कल्याणपुर नगरपालिका वडा नम्बर ८ अरङका मिटरब्याज पीडित सञ्जयकुमार कामतीमाथि खुकुरी प्रहारको प्रयास भएको हो।
सोमबार खुकुरी प्रहारको प्रयास गरेको भीडिओ सामाजिक सञ्जालमा समेत भाइरल भएको थियो। पक्राउ पर्नेमा सिरहाको कल्याणपुर नगरपालिका–८ अरङका घर भएका रामबाबु साह छन्।
यसअघि कामतीले आफ्नो घर मिरब्याजी साहले बेचिदिएको भन्दै प्रशासनमा उजुरी दिएका थिए। उजुरी दिएको भन्दै मिटरब्याजी साहले कामतीमाथि आक्रमणको प्रयास गरेका थिए।
