काठमाडौं । लर्ड बुद्ध एजुकेसन फाउन्डेसन र क्यान महासंघबीच स्नातकमा आईटी पढ्न चाहने विद्यार्थीलाई करिब २ करोड बराबरको छात्रवृत्ति उपलब्ध गराउने सम्झौता भएको छ ।
बिहीबारदेखि सुरू भएको एस पावर क्यान इन्फोटेक २०२४ को उद्घाटन समारोहमा लर्ड बुद्ध एजुकेसन फाउन्डेसन र क्यान महासंघबीच सम्झौता भएको हो ।
विगत ६ वर्षदेखि प्रदान हुँदै आएको छात्रवृत्ति यस वर्ष पनि प्रदान गरिदै छ । देशभरका ४९ जना विद्यार्थीहरुलाई आंशिक तथा पूर्ण छात्रवृत्ति प्रदान बीएस्सी आईटी डिग्रीका अध्ययनलाई छात्रवृत्ति प्रदान हुनेछ ।
यस अनुसार देशको सातै प्रदेशका विद्यार्थीहरुले समान अवसर पाउने गरी प्रत्येक प्रदेशबाट १ जना छात्रा लाई पूर्ण छात्रवृत्ति र बाँकी ४२ जनालाई आंशिक छात्रवृत्ति प्रदान गरिने जनाइएको छ ।
छात्रवृत्ति प्राप्त विद्यार्थीहरूले मलेसियाको एसिया प्यासिफिक युनिभर्सिटी अफ टेक्नोलोजी एण्ड इनोभेसनको सम्बन्धनमा सञ्चालित लर्ड बुद्ध एजुकेशन फाउण्डेसनमा स्नातक तह अन्तर्गत बीएससी आईटी अध्ययन गर्न पाउनेछन् ।
