काठमाडौं । नेदरल्याण्ड्सले आइसीसी विश्वकप क्रिकेट लिग–२ मा पहिलो जित निकालेको छ । पहिलो जित निकाल्नेक्रममा सोमबार नामिबियालाई ७ विकेटले हरायो ।
नेदरल्याण्ड्सले पहिलो खेलमा नेपालसँग ९ विकेटको फराकिलो हार बेहोरेको थियो । कीर्तिपुरस्थित त्रिवि मैदानमा सोमबार भएको खेलमा टस जितेको नेदरल्यान्ड्सले फिल्डिङ रोजेपछि पहिले ब्याटिङ गरेको नामिबिया ३५.१ ओभरमा १२३ रनमै अलआउट भयो।
नेदरल्याण्ड्स यो जितपछि पनि तालिकाको तेस्रो स्थानमा छ । सोमबारको हारले नामिबिया दोस्रो स्थानमा खस्किएको छ । नेपालले अब बुधबार नामिबियासँग खेल्ने तालिका छ ।
