काठमाडौं । शेयर बजारमा झिनो अंकले बढेको छ । साताको कारोबारको चौंथो दिन बुधबार नेप्से परिसूचक ९.३३ अंकले बढेर २०१७.०३ बिन्दुमा पुगेको छ । यसदिन ३०८ कम्पनीको ९१ लाख ३८ हजार १५४ कित्ता शेयर किनबेच भएको छ ।
आज कारोबारमा आएका १३ वटा उपसमूहमध्ये १० समूहको परिसूचकमा हरियाली छाएको छ भने ३ को घटेको छ । फाइनान्स समूहको परिसूचक सर्वाधिक १.६८ प्रतिशतले बढेको छ ।
आज सिमेन्ट कम्पनीको शेयरमा उच्च आकर्षण देखिएको छ । सोनापुर सिमेन्टको सर्वाधिक ३३ करोड र शिवम्को झन्डै २८ करोड रुपैयाँको शेयर किनबेच भएको छ ।
बढ्दो बजारमा दोल्ती पावरको शेयर मूल्यमा पोजेटिभ सर्किट लागेको छ । यसका शेयरधनीले ठ्याक्कै १० प्रतिशत कमाएक छन् ।
मोलुङ हाइड्रोपावरका सेयरधनीले भने आज सर्वाधिक ९.७१ प्रतिशत गुमाएका छन् ।
