काठमाडौं । नेपाल क्रिकेट संघ (क्यान)ले वेष्ट इण्डिज ‘ए’विरूद्ध टी-२० सिरिज खेल्ने टोलीको घोषणा गरेको छ। रोहित पौडेलको कप्तानीमा रहेको क्यानले नेपालले १६ सदस्यीय टोली घोषणा गरेको हो ।
बिहीबार घोषित १६ सदस्यीय टोलीमा एसिसी प्रिमियर कपका लागि ओमान पुगेकै खेलाडीलाई मौका दिएको हो। युवा बलर आकाश चन्द वेष्ट इण्डिज भ्रमणमा वैकल्पिक खेलाडीका रूपमा रहेका थिए।
वेष्ट इण्डिजले भने विभिन्न समयमा अन्तर्राष्ट्रिय क्रिकेट खेलेका १२ खेलाडी समेट्दै १५ सदस्यीय टोलीको घोषणा यसअघि नै गरेको छ। ५ खेलको टी-२० सिरिज १५ वैशाखबाट टियू मैदान, कीर्तिपुरमा सुरु हुँदै छ।
नेपाल र वेस्ट इन्डिज ‘ए’ बीचको दोस्रो खेल १६ वैशाखमा हुँदा तेस्रो खेल १९ वैशाखमा हुने छ। त्यस्तै, प्रतियोगिताको चौथो खेल २० वैशाखमा र पाँचौ तथा अन्तिम खेल २२ वैशाखमा हुने छ।
यस्तो छ नेपाली टोली:
रोहित कुमार पौडेल (कप्तान), आसिफ शेख, कुशल भुर्तेल, अनिल शाह, आरिफ शेख, सन्दीप जोरा, दीपेन्द्र सिंह ऐरी, कुशल मल्ल, गुलशन झा, ललित राजवंशी, करण केसी, सोमपाल कामी, प्रतिश जिसी, अभिनाश बोहोरा, विवेक यादव, आकाश चन्द
